गाजा । इजरायल र हमासबीच जारी युद्धका कारण अहिलेसम्म सयौंको ज्यान गइसकेको छ ।
अन्तर्राष्ट्रिय मिडियाका अनुसार यस युद्धमा अहिलेसम्म १ हजार भन्दा बढीको ज्यान गएको छ भने हजारौं घाइते भएका छन् ।
गत शनिबार देखि सुरु भएको युद्धमा सयौं अपहरणमा परेका छन् ।
यसैबिच, सीएनएनमा उल्लेख भएको समाचार अनुसार इजरायलमा भएको आक्रमणमा परी ४ अमेरिकी नागरिकले पनि ज्यान गुमाएका छन् ।
अमेरिकी कांग्रेसमा उक्त जानकारी दिइएको हो । युद्धमा ज्यान गुमाउने अमेरिकीहरुको संख्या अझै बढ्ने अनुमान गरिएकाे छ । तथ्यांक संकलन गर्ने कार्य जारी रहेको जनाइएकाे छ ।
प्रतिक्रिया