बङ्गलादेशको फुटबलले नेपालसँगको मैत्रीपुर्ण खेलमा दर्शकहरुलाई प्रवेश गर्न दिने

हाल विश्व कोरोना भाइरसको माहामारीसँग जुधी रहेको छ । कोरोनाका कारण विश्वका धेरै देशमा खेलकुदका गतिविधि ठप्प रहेका छन् । भने कतै सञ्चालन भइरहेका देशहरुमा पनि दर्शकलाई प्रवेश गर्न भने दिइएको छैन् ।  

यसैबीच नेपाल र बङ्गलादेशबीचको मैत्रिपूर्ण खेलमा भने सीमित संख्यामा दर्शकलाई प्रवेश गराइने भएको छ ।  बंगलादेश फुटबल फेडेरसन(बिएफएफ) ले दर्शकको संख्या नखुलाए पनि खेलका लागि टिकटको दर भने तोकिसकेको छ । 

बिएफएफको हिजो बसेको बैठकले भिआइपी प्याराफिटको टिकट मुल्य ५०० टाका र साधारण प्याराफिटको टिकट मुल्य १०० टाका निर्धारण गरेको छ । 
मैत्रीपूर्ण खेलमा रंगशाला आउने दर्शकले फिफा तथा एएफसीको स्वास्थ्य प्रोटोकलको पालना गर्नुपर्ने उक्त संघले जनाएको छ ।  

नेपालले आउँदो कार्तिक २८  र मङ्सिर २  मा बङ्गलादेशसँग दुई मैत्रिपूर्ण खेल खेल्दैछ ।  दुवै खेल स्थानीय समयअनुसार बेलुका पाँच बजे ढाकास्थित बङ्बन्धु राष्ट्रिय फुटबल मैदानमा हुनेछ ।