एमालेको ११औँ राष्ट्रिय महाधिवेशन सल्लाघारीमा भाेलि ११ बजे उद्घाटन हुने
काठमाडौँ । नेकपा एमालेको ११औँ राष्ट्रिय महाधिवेशन शनिबार बिहान ११ बजे भक्तपुरको सल्लाघारीमा अध्यक्ष केपी शर्मा ओलीले उद्घाटन गर्ने भएका छन् ।
शुक्रबार बसेको एमाले सचिवालयको ६१ औँ बैठकले महाधिवेशन व्यवस्थापन सम्बन्धी निर्णय गरेको हो । यसपटक एमालेले विगतको भन्दा फरक अभ्यास अपनाउँदै महाधिवेशनको आयोजक समिति केन्द्रीय सचिवालय नै हुने निर्णय गरेको छ ।
सचिवालय बैठकले महाधिवेशनबाट पारित गर्ने प्रस्ताव तयार गर्न उपमहासचिव प्रदीप ज्ञवालीको संयोजकत्वमा एक समिति र निर्णय माइन्युट तयार गर्न उपमहासचिव पृथ्वी सुब्बा गुरुङको नेतृत्वमा अर्को माइन्युटिङ कमिटी गठन गरेको छ ।
सचिवालय बैठकले १०८ जना मनोनीत प्रतिनिधि मनोनयन गर्ने निर्णय गरेको छ । योसँगै एमालेका २२ सय ६१ प्रतिनिधि महाधिवेशनमा सहभागी हुने भएका छन् ।
प्रतिक्रिया