रणवीर सिंहले हालै गरेको विज्ञापनका कारण सुशान्तका फ्यानहरु खनिए

मान्नुस् या नमान्नुस्, सामाजिक सन्जाल भनेको यस्तो अजिब ठाउँ हो जहाँ कतिबेला के हुन्छ भन्ने पत्तो नै हुँदैन । कतिसम्म भने एउटै कुरामाथि पनि बारम्बार सामाजिक सन्जालमा चर्को मजाक भइरहेको हुन्छ । कतिपय सन्दर्भमा त ठूला भनिएका सेलेब्रिटी पनि यसका कारण ठूलो समस्यामा परेका हुन्छन् ।

अनि कलाकारहरु पनि सामाजिक सन्जालका कारण निकै चर्चामा आइरहेका हुन्छन् । अब अहिले त्यस्तै भएको छ, सुशान्त सिंह राजपुतको निधन भएको केही समय भइसकेको छ । तर, उनका प्रशंसकले उनको नाम लिएर सामाजिक सन्जालमा लेख्न छाडेका छैनन् ।

अब रणवीर सिंहको एउटा विज्ञापनका कारण सुशान्तका फ्यानहरु उनीमाथि खनिएका छन् ।एउटा विज्ञापनमा रणबीरले भनेको एउटा शब्दकै कारण सुशान्तको मजाक उडाइएको भन्दै उनीहरु रणबीरसँग रिसाएका हुन् । यो त अहिले भारतीय सामाजिक सन्जालमा सबैभन्दा बढी प्रचलनमा रहेका विषयमा परेको छ ।