श्री एयरलाइन्सको ढोका नखुल्दा यात्रुहरु भित्रै थुनिए

बिहिबार बिहान काठमाडौँबाट धनगढी आएको श्री एयरलाइन्सको ढोका नखुल्दा यात्रुहरु भित्रै थुनिएका थिए । बिहान ९ बजे २३ मिनेटमा धनगढी विमानस्थलमा अवतरण गरेको विमानको ढोका नखुल्दा ७० यात्रु भित्रै थुनिन पुगेका हुन् ।

विमानको ढोका नखुलेपछि यात्रुहरूलाई १० मिनेटपछि विमानको सर्भिस डोरबाट बाहिर निकालिएको धनगढी विमानस्थलका प्रमुख तेजबुढ थापाले जानकारी दिए ।

विमानमा किन ढोका खुलेन भन्ने बारे अझै यकिन हुन नसकेको उनले बताए । यात्रुहरु झरेपछि भने उक्त ढोका खुलेको थियो ।