दश दिनभित्रै प्रदेश समितिको निर्वाचन सम्पन्न गर्ने : अध्यक्ष शेखर गोल्छा

महासंघको इतिहासमै शतप्रतिशत मत खसेर निर्वाचन सम्पन्न भएको र निर्वाचनमा डटेर लागे पनि निर्वाचन सकिनेबित्तिकै महासंघमा एकताको सन्देश दिन सफल भएको भन्दै अब महासंघ मात्रै नभएर सम्पूर्ण निजी क्षेत्रलाई समेट्नेगरी भिजन पेपर बनाउने तयारी गरिएको उनको भनाइ छ ।

यो भिजन पेपरको मुख्य उद्देश्य दोहोरो अंकको आर्थिक वृद्धि गर्ने भएको समेत बताए । उनले फरक फरक व्यवसायी संघले अलग अलग एजेन्डा बोल्ने हो भने निजी क्षेत्रको माग सरकारले कहिलै पूरा नगर्ने गोल्छाको दाबी छ ।

उनले व्यवसायीहरुको ९० प्रतिशत माग एउटै भएको भन्दै समान एजेन्डामा कार्यगत एकता गरेर जाने प्रक्रिया सुरु गरिसकेको समेत बताए । कार्यक्रममा महासंघका वरिष्ठ उपाध्यक्ष चन्द्र ढकालले सरकारले निजी क्षेत्रलाई हेर्ने नजर अझै परिवर्तन नभएको भन्दै यसमा परिवर्तन ल्याउन सबै व्यवसायीको संयुक्त प्रयासको खाँचो रहेको बताए । 

त्यसका लागि अरु व्यवसायी महासंघहरुसँग छलफल थालिसकेको र वस्तुगत संघका धारणाहरुलाई केन्द्रीकृत रुपमा सरकारसँग राख्नुपर्नेमा जोड दिए । 

महासंघ वस्तुगत समूहका उपाध्यक्ष अञ्जन श्रेष्ठले पनि महासंघ अब एकढिक्का भइसकेको भन्दै अब व्यवसायिक हितका विषयमाथि साझा धारणा बनाएर जाने बताए । 

उक्त कार्यक्रममा जग्गा तथा आवास विकास संघका अध्यक्ष मीनमान श्रेष्ठले बस्तुगत संघमा १ सय ३ जना सदस्यमध्ये कार्यसमितिमा १४ जना निर्वाचित भएको भन्दै विषयगत क्लष्टर बनाएर प्रत्येक सदस्यलाई संघको आवाज महासंघसम्म ल्याउने वातावरण बनाउनुपर्ने बताए । उनले कार्यसमिति सदस्यको हैसियतमा आफुले महासंघलाई वस्तुगत संघको एजेन्डामा महासंघलाई घच्घच्याइरहने प्रतिवद्वता समेत व्यक्त गरे ।