‘सङ्घीयताको रक्षाका लागि आन्दोलनमा जानुपर्यो’

नेपाल कम्युनिष्ट पार्टी (नेकपा) का नेता गिरिराजमणि पोखरेलले सङ्घीयता रक्षाका लागि आन्दोलनमा जानुपरेको बताएका छन् । 

नेपाल कम्युनिष्ट पार्टी (नेकपा)  दाहाल-नेपाल समूहद्वारा सिरहाको धनगढीमाई नगरपालिकामा आयोजना हुने कार्यक्रममा सहभागी हुन आइपुगेका आज (आईतबार) सञ्चारकर्मीसँग उनले कुरा गर्दै प्रतिनिधिसभा विघटनबाट मुलुकमा अस्थिरता र सङ्घीयता समाप्त हुने अवस्थामा पुगेका आरोप लगाएका छन्  । संसद् विघटन गर्ने कार्यको विरुद्धमा आफूहरु मन्त्री पदबाट राजीनामा दिई सडकमा आएको उनको  भनाइ थियो ।