सत्तारूढ नेपाल कम्युनिष्ट पार्टी (नेकपा)का अध्यक्षद्वय प्रधानमन्त्री केपी शर्मा ओली र कार्यकारी अध्यक्ष पुष्पकमल दाहाल प्रचण्ड बिचको भेटवार्ता सकिएको छ ।
बालुवाटारमा प्रधानमन्त्री ओली र कार्यकारी अध्यक्ष प्रचण्डले आ-आफ्नो पक्षका साक्षी सहित छलफल गरेका हुन् । बालुवाटारमा ओलीको तर्फबाट विष्णु पौडेल र शंकर पोखरेल तथा प्रचण्डको तर्फबाट वर्षमान पुन जनार्दन शर्मा सहभागी थिए । छलफलको वृस्तित विवरण सार्वजनिक भएको छैन् ।
प्रचण्डले प्रधानमन्त्री र पार्टी अध्यक्ष दुबै पदबाट राजीनामा दिएर मार्गप्रशस्त गर्न माग गरेका थिए भने ओलीले त्यसलाई अस्वीकार गर्दै छुट्टै पार्टी घोषणा गर्ने चेतावनी दिंदै आएका छन् ।
दुवै अध्यक्ष आ–आफ्नो अडानमा टसमस नभएपछि पार्टी फुट्न सक्ने सम्भावना प्रबल बन्दै गएको छ ।
शनिबार साँझ मन्त्रीहरुलाई बालुवाटार बोलाएर ओलीले पार्टी फुट्न सक्ने आशय व्यक्त गर्दै आ–आफ्नो कित्ता क्लियर गर्न निर्देशन दिएका थिए । ओली र प्रचण्डबिच यसअघि पनि वार्ता भएको थियो ।
प्रतिक्रिया