यी महिलाले प्रहरी चौकी पुगेर आफु अमिताभकी छोरी भनेपछि… प्रहरी अलमलमा

बिहारको भोजपुर जिल्लामा एक महिला प्रहरी चौकी पुगेर आफूलाई फिल्मस्टार अमिताभ बच्चनकी छोरी बताउन थालेको एउटा रोचक घटना सार्वजनिक भएको छ ।

यस क्रममा ड्युटीमा रहेका प्रहरीहरु छक्क परे । घटना टाउन पुलिस स्टेशनको हो। महिलाको कुरा प्रहरीलाई पत्यार लागेन र सोधे को हुन् अमिताभ बच्चन ? महिलाको जवाफ थियो फिल्म स्टार अमिताभ बच्चन र हजुरबुवाको नाम हरिवंश राई बच्चन हो । यो सुनेर सिपाही अफिसर छक्क परे । तर, केही समयपछि महिलाको हर्कत देखेर प्रहरीहरूले उनको मानसिक अवस्था ठीक नभएको बुझे ।

एक्कासी महिला रुँदै प्रहरी चौकी पुगेकी थिइन्
आइतबारको तीन बजेको थियो । त्यसबेला एकजना महिला र एक पुरुष निरीक्षक ड्युटीमा थिए । नाइटी लगाएकी एउटी महिला एक्कासि रुँदै प्रहरी चौकी पुगिन् । उनको घरमा बेलायती शासन चलेको बताइन् । त्यसपछि उनले आफू अमिताभ बच्चनकी छोरी भएको बताइन् । अमिताभ बच्चनको नाम सुनेर सबै प्रहरी छक्क परे । त्यसपछि महिलाले आफू बस्न कुर्सी नपाउने भनिन् । त्यसपछि प्रहरी चौकीमा उनलाई बस्न कुर्सी दिइयो । प्रहरीले सोधपुछ गर्दा उनले अचम्मको कुरा भनिन् । उनले आफ्नो नाम मोनी रहेको बताइन् ।

उनले प्रहरीसँग भनिन्, ‘फिल्मस्टार अमिताभ बच्चनकी छोरी हुन् मेरो हजुरबुवाको नाम हरिवंश राई बच्चन हो।’ यो कुरा पचाउन नसकेपछि पुलिसले फेरी सोधे को हुन् अमिताभ बच्चन ? महिलाले जवाफ दिइन् कौन बनेगा करोडपति । उनले हजुरआमाले आफ्नो नाम आराध्या र मोनी राखेको पनि बताइन् । उनीहरु कहाँ बस्छन् भनी सोध्दा ती महिलाले पाकिस्तानमा भनेकी थिइन् ।

प्रहरी चौकी पुगेकी महिलाले करिब आधा घण्टासम्म अनौठो कुरा गरिरहेकी थिइन् । त्यसपछि उनको मानसिक अवस्था ठिक नभएको प्रहरीहरुले बुझेका थिए । ती महिलाले कहिले लालु यादव, कहिले अङ्ग्रेजी र कहिले पाकिस्तानको नाम लिइरहेकी थिइन् । उनले प्रहरी चौकीका प्रहरीलाई सलाम गर्दै बोल्दै थिइन् । एक प्रहरी अधिकृत डीके सिंहले उक्त महिलाले चित्राटोली टोला र तरी महुल्ला क्षेत्रको होटल नजिकैको ठेगाना बताएकी थिइन् । उनको मानसिक अवस्था ठीक थिएन । एजेन्सी