Logo

अर्थ

दोहोरो अंकले बढ्यो सेयर बजार



काठमाडौं । तिहार बिदाअघिको अन्तिम कारोबार दिन आइतबारमा सेयर बजार दोहोरो अंकले बढेको छ । आइतबार सेयर बजार १४.३५ अंकले बढेको हो । योसँगै नेप्से परिसूचक १८५८.४९ को विन्दुमा पुगेको छ । सेन्सेटिभ परिसूचक पनि २.८८ अंकले बढेर ३६५.९३ को बिन्दुमा उक्लिएको छ ।

कारोबार अवधिभर २२१ कम्पनीका १५ लाख ३८ हजार ४२ कित्ता सेयर किनबेच हुँदा ५१ करोड ६८ लाख ३ हजार ४८४ रुपैयाँको कारोबार भएको नेप्सेले जनाएको छ। यो दिन नेप्से उपसमूहमा रहेका १३ वटा समूहमध्ये ११ वटामा सेयर मूल्य बढेको छ भने २ वटा उपसमूहको सेयरमूल्य घटेको छ । आज एभरेस्ट बैंकको सर्वाधिक ५ करोड १६ लाख रुपैयाँ बढीको कारोबार भएको छ ।

यो दिन रुरु जलविद्युत र सयपत्री हाइड्रोपावरको सेयर मुल्यमा सकारात्मक सर्किट लागेको छ। यी दुवै कम्पनीको सेयरभाउमा १० प्रतिशतले बढेको हो । आज अभियान लघुवित्तका सेयरभाउ सबैभन्दा बढी ८ प्रतिशतले घटेको छ।

प्रकाशित मिति : ६ कार्तिक २०७९, आईतवार १६:३९   :  बजे

18
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।