फिल्म ‘जवान’को भिडियो लीक प्रकरणमा शाहरुख खानको पक्षमा फैसला

एजेन्सी । दिल्ली हाईकोर्टले फिल्म ‘जवान’को भिडियो लीक प्रकरणमा शाहरुख खानको पक्षमा फैसला गरेको छ । अदालतले सबै सोसल मिडिया प्लेटफर्महरूलाई ‘जवान’को लीक क्लिप हटाउन आदेश दिएको छ। मंगलबार, उच्च अदालतले वेबसाइटहरू, केबल टिभी प्लेटफर्महरू, घर सेवा र अन्य सबै प्लेटफर्महरूलाई ‘जवान’को प्रतिलिपी अधिकार उल्लङ्घन गर्नबाट रोकेको छ।

भिडियो लीक भएपछि निर्माण कम्पनीले अदालतको बाटो रोज्यो
वास्तवमा शाहरुख खानको फिल्म ‘जवान २’ जुनमा रिलिजको तयारीमा छ । यसैबीच, फिल्मको ट्रेलर रिलिज हुनुअघि नै सामाजिक सञ्जालमा जवानका दुई भिडियो लिक भएका छन्, जुन फिल्मको सुटिङका ​​क्रममा खिचिएकाे अनुमान गर्न सकिन्छ।

भिडियोहरु लीक भएपछि शाहरुख र गौरी खानको प्रोडक्सन कम्पनी रेड चिलीजले उच्च अदालतमा मुद्दा दायर गरेकाे थियाे, जसलाई लिएर अदालतले आफ्नो फैसला सुनाएको छ ।

भिडियो लीक गर्नेहरूको पहुँचमा रोक लगाउनुपर्छ – दिल्ली उच्च अदालत
आफ्नो आदेशमा यूट्यूब, गुगल, ट्विटर र रेडिट जस्ता सोसल मिडिया प्लेटफर्महरूलाई ‘जवान’ फिल्मको प्रतिलिपि अधिकार सामग्री देखाउनेहरू विरुद्ध कडा कारबाही गर्न निर्देशन दिइएको छ। प्लेटफर्महरूमा न्यायधिश सी हरि शंकरले धेरै इन्टरनेट सेवा प्रदायकहरूलाई फिल्मसँग सम्बन्धित सामग्री देखाउने च्यानलहरूमा पहुँच रोक्न आदेश दिएका छन्।

शाहरुखको फाइटिङ सिक्वेन्स र नयन तारासँगको डान्स सिक्वेन्स लीक भएको
रेड चिलीज इन्टरटेनमेन्टले फिल्मसँग सम्बन्धित दुई भिडियो क्लिप सामाजिक सञ्जालमा लिक भएको भन्दै उच्च अदालतमा उजुरी दिएकाे थियाे । पहिलो क्लिपमा शाहरुखको झगडाको दृश्य थियो। जबकी दोस्रो क्लिप डान्स सिक्वेन्सको थियो, जसमा शाहरुख र नयन तारा देखिएका छन् ।

यस्ता भिडियोहरूले पाइरेसीलाई बढावा दिने
अदालतले आफ्नो फैसलामा फिल्मको सेटबाट केही तस्विर र भिडियोहरू लिक हुँदा पाइरेसीलाई बढवा दिने भन्दै यस्काे कार्य राेक्न आदेश दिएकाे छ। याे घटनाबाट धेरै सोसल मिडिया ह्यान्डलहरूले फिल्मसँग सम्बन्धित थप भिडियोहरू लीक गर्न सक्छन्। यस्तो अवस्थामा यसलाई रोक्न जरुरी छ । अदालतले यस्ता भिडियो र तस्बिरको लगातार पर्दाफासले चलचित्रको प्रचारप्रसारमा असर पार्ने बताएको छ । साथै, सिनेमा हलहरूमा रिलिज हुँदा पाइरेसीलाई प्रोत्साहन हुने अदालतकाे ठहर छ।