काठमाडौं । कृषिमन्त्री रामनाथ अधिकारीले मुलुकमा रासायनिक मलको अभाव सधैं रहने स्वीकार गरेका छन् । नेपाल डेरी एसोसिएसनद्वारा आयोजित कार्यक्रममा बोल्दै उनले आर्थिक तथा संरचनागत सीमितताका कारण माग अनुसार मल आपूर्ति सम्भव नभएको स्पष्ट पारे ।
उनले भने, ‘मलको त हाहाकार छ नि भन्छन्, छ हुन्छ, जो मन्त्री भएपनि हुन्छ। गत वर्ष कृषि मन्त्रालयलाई २७ अर्ब ९५ करोड बजेट विनियोजन गरिएको थियो। जम्मा साढे ४ लाख टन भन्दा मल आउँदै आउँदैन। बजारमा मागको आपूर्ति ११ लाखदेखि १३ लाख टनको छ । एक चौथाइ मलले हामीले किसानलाई समयमै मल पुर्याउन सम्भावना नै छैन । तर, जिम्मेवारीमा बस्दा चिन्ता नगर्नुस्, मल आउँछ भन्नैपर्छ ।’
मुलुकको कृषि उत्पादनमा मलको अभावले गम्भीर असर पारिरहेको सन्दर्भमा मन्त्री अधिकारीको यो भनाइले मल आपूर्तिमा दीर्घकालीन समाधानको आवश्यकता औंल्याएको छ ।




















प्रतिक्रिया