काठमाडौँ। त्रिपुरेश्वरस्थित राहदानी विभाग अगाडि बिहीबार आफ्नै शरीरमा आगो लगाएर आत्मदाहको प्रयास गर्ने व्यक्ति राहदानी वा कन्सुलर सेवा लिन आएको नभएको राहदानी विभागले स्पष्ट पारेको छ।
विभागले बिहीबार प्रेस विज्ञप्ति जारी गर्दै घटनाबारे सीसीटीभी फुटेज, प्रत्यक्षदर्शी तथा सम्बन्धित निकायबाट प्राप्त जानकारीका आधारमा घाइते व्यक्ति राहदानी वा कन्सुलर सेवा लिन विभागमा आएको नदेखिएको जनाएको हो।
प्रहरीका अनुसार मुगु जिल्लाको सोरु गाउँपालिका–१ घर भई हाल भक्तपुर बस्दै आएका २५ वर्षीय गणेश नेपालीले राहदानी विभागको प्रवेशद्वार बाहिर आफ्नै शरीरमा आगो लगाएका थिए। उनी पठाओ चालक रहेको खुलेको छ।
प्रतिक्रिया