Logo

विविध

सुनसरी खोला किनारको छठ घाटमा तोडफोड, स्थानीयवासीद्धरा आक्रोश व्यक्त, दोषी माथि कडा कारबाहीको माग



इनरुवा । सुनसरी हरिनगर गाउँपालिका–६ घुस्की स्थित सुनसरी खोला किनारमा छठ पूजा गर्नका लागि निर्माण गरिएको पूजा स्थलमा अपरिचित समूहले तोडफोड गरेको छ ।

धार्मिक आस्थाको महापर्व छठमा सूर्य देवलाई पूजा गर्नका लागि निर्माण गरिएको पूजा स्थलमा तोडफोड गरेपछि स्थानीयवासीले आक्रोश व्यक्त गरेका छन् ।

धार्मिक सद्भाव र आस्था माथि आँच पु¥याउने यस प्रकारको अराजक गतिविधि अत्यन्तै निन्दनीय रहेको स्थानीयवासीले बताएका छन् । पूजा स्थल तोडफोडमा संलग्न व्यक्तिको पहिचान र तोडफोडका कारण हालसम्म खुलेको छैन । यस घटनाले स्थानीय बासिन्दामा गहिरो असन्तोष र आक्रोश उत्पन्न गराएको छ ।

घटनाको निष्पक्ष छानबिन गरी तुरुन्त दोषीलाई कडा कानुनी कारबाही गर्न सम्बन्धित सुरक्षा निकाय तथा स्थानीय प्रशासनसँग जोडदार माग गरेका छन् ।

घटनाको विषयमा अनुसन्धान भइरहेको र यसमा संलग्न व्यक्तिलाई कानुनी दायरामा ल्याउने सुनसरीका प्रहरी नायव उपरीक्षक चन्द्रबहादुर खड्काले जानकारी दिए ।

प्रकाशित मिति : ३० कार्तिक २०८३, सोमबार ०७:३३   :  बजे

0
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।