शिक्षा मन्त्रालअन्तर्गतको व्यावसायिक शिक्षा तथा तालिम अभिबृद्धि (इभन्ट परियोजना) ले चालु आर्थिक वर्षमा करिब ११ हजार विपन्न परिवारका युवालाई छोटो अवधिको तामिका लागि भौचर दिने भएको छ ।
इभन्ट परियोजनाले सुविधाविहीन समुहका दलित, लोपोन्मुख, अति सीमान्तकृत तथा सीमान्तकृत जनजाति र गरिबका लागि रोजगारीमा सहयोग पुर्याउने उद्दश्यले १० हजार नौ सय ४१ युवालाई भौचर वितरण गर्न लागेको हो ।
इभेन्ट परियोजनाले काठमाडौको भृकुटीमन्डपमा ७ र ८ पुषमा भौचर मेलाको आयोजना गरी छनोट भएकालाई तीन महिनाको तालिम दिन लागको हो । तालिमका लागी सहभागीहरुको मागमा आधारित, रोजेको विषय र बजारको आश्यकता तथा पायक पर्ने ठाउँमा निशुल्क तालिम लिन भौचरको व्यवस्था गरेको छ ।
तालिम अनुसार भौचरबापत सेवा प्रदायक सस्थाले पाउने रकम फरक छ । तालिम प्रदायक सस्थाले कम्तीमा ६ महिनाको रोजगारी सुनिश्चित गर्नुपर्नेछ । ३४ विभिन्न पेसागत विषयमा तालिम दिन ५८ तालिम तथा रोजगार प्रदायक संस्था छनोट भएका छन ।
काठमाडौ उपत्यकाका तीन जिल्लाभित्र आफुले छानेको विषय र संस्थामा भौचर बुझाएर तालिम लिन सकिनेछ ।
आजको नयाँ पत्रिका दैनिकमा खबर छ ।
प्रतिक्रिया