काठमाडौं । संविधानविद् डा. भीमार्जनु आचार्यले प्रधानमन्त्री र राष्ट्रपतिले मान्छे मारेकोभन्दा ठूलो अपराध गरेको बताएका छन् । सभामुखसँगको छलफलमा बिहीबार संविधानविद् डा. आचार्यले राष्ट्रपति र प्रधानमन्त्रीले गरेको अपराधको नियत नै खराब राखेर गरिएको पाइएको छ ।
उनले भने, ” प्रधानमन्त्री र राष्ट्रपतिबाट यस्तो जघन्य अपराध हुँदा पनि संसद् मुकदर्शक भयो । मान्छे मारेको भन्दा ठूलो अपराध हो यो ।”
उनले प्रधानमन्त्रीको तिकडम रोक्न संसद्ले नसकेको आरोप लगाएका छन् । उनले थपे, “प्रधानमन्त्री एउटै कार्यकालमा सबै धाराअनुसार प्रधानमन्त्री हुने ? शपथको दृष्य भद्दा गरियो । विश्वासको मत प्राप्त गर्न नसकेमा मात्रै ५ मा जाने हो । राजीनामा नगरि, पदुमक्त नभइ फेरि प्रधानमन्त्रीमा दाबी गर्नु गम्भीर नियतमाथि खोट थियो ।”
राष्ट्रपति र प्रधानमन्त्रीले शुक्रबार मध्यराति संसद् विघटन गरेपछि यसको चर्को विरोध र आलोचना भइरहेको छ । सरकारले कोरोना महामारी नियन्त्रणमा ध्यान दिनुको साटो राजनीतिक संकट निम्त्याउने काम गरेको भन्दै सरकारको आलोचना भइरहेको छ ।
राष्ट्रपति र प्रधानमन्त्रीले संसद् विघटन गरेको भन्दै सर्वोच्च अदालतमा विपक्षी गठबन्धनले सहित ३० वटा मुद्दा दर्ता भएका छन् । उक्त मुद्दाको सुनुवाई शुक्रबार संवैधानिक इजलासमा हुने भएको छ ।
प्रतिक्रिया