नेकपा एमालेको स्थायी कमिटी बैठक स्थगित गरिएको छ । माधव कुमार नेपाल समूहका नेताहरुलाई कारबाही गर्ने एजेण्डासहित बोलाइएको एमालेको बैठक एकाएक स्थगित गरेको हो ।
यसअघि पार्टी अध्यक्ष केपी शर्मा ओलीले आइतबार ५ बजेका लागि बैठक बोलाउन महासचिव इश्वर पोखरेललाई निर्देशन दिएका थिए । महासचिव पोखरेलले शनिबार सार्वजनिक भएको आगामी आर्थिक वर्षको बजेट र पार्टीको आन्तरिक राजनीतिबाट छलफल गर्नुपर्ने भन्दै बैठक बोलाएका थिए ।
तर, उनले फेरि बैठक स्थगित भएको र सोमबार बिहान १० बजे बस्ने भन्दै सूचना प्राप्त भएको एमालेका स्थायी कमिटी सदस्य गोकुल बाँस्कोटाले जानकारी दिएका छन् ।
यसअघि नेकपा एमालेको स्थायी कमिटी बैठकले वरिष्ठ नेताद्वय माधवकुमार नेपाल र झलनाथ खनालसहित ११ जना नेताहरुलाई साधारण सदस्यसमेत नरहने गरि कारबाही गरेको थियो । त्यससँगै एमालेले शेरबहादुर देउवालाई प्रधानमन्त्री बनाउन हस्ताक्षर गरेको भन्दै स्पष्टिकरण माग गरेको थियो ।
प्रतिक्रिया