आंशिक प्राध्यापकहरुसँगको ६ बुँदै सहमतिपछि खुल्यो त्रिवि उपकुलपति कार्यालयको ताला

काठमाडौं । त्रिभुवन विश्वविद्यालयको उपकुलपति कार्यालयमा लागेको ताला झण्डै पाँच महिनापछि आज (आइतबार) खुलेको छ । विभिन्न माग राख्दै नेपाली कांग्रेसनिकट विद्यार्थी संगठनले माघ ६ गते र आंशिक प्राध्यापकहरुले माघ २१ गते उपकुलपति, रेक्टर र रजिस्ट्रारको कार्यालयमा ताला लगाएका थिए ।

नेपाल विद्यार्थी संघले शुक्रबार ताला खोलेको हो भने आंशिक प्राध्यापक केन्द्रीय संघर्ष समितिले आइतबार ताला खोलेका हुन् । योसँगै करिब १४० दिन भन्दा बढी समयदेखि बन्द रहेको विश्वविद्यालयको प्रशासनिक कामहरु नियमित हुने भएको छ ।

आंशिक प्राध्यापकको ताला खोल्न आइतबार विश्वविद्यालयको वार्ता समिति र आंशिक प्राध्यापक केन्द्रीय संघर्ष समितिबीच ६ बुँदे सहमति भएको छ । नेपाल विद्यार्थी संघले भने त्रिविका उपकुलपतिसमेत रहेका प्रधानमन्त्रीसँग सहमति भए अनुसार ताला खोलेको जनाएको छ ।

यस्तो छ आशिंक प्राध्यापक संघ र त्रिविबीच भएको सहमति