अञ्जली डिसीको स्वरमा ‘ए मेरो परदेशी’ सार्बजनिक

काठमाडौं । गायिका अन्जली डिसीको स्वरमा ‘ए मेरो परदेशी’ गीत सार्वजनिक भएको छ । डिसीको एकल स्वर रहेको उक्त गीतमा म्यूजिक र लिरिक्स काशी जेट्लीको नै रहेको छ भने गीतको एरेन्ज बिशाल निरौलाले गरेका हुन् ।

म्यूजिक भिडियोमा चर्चित नायिका केकी अधिकारी, काशी जेट्ली र रमा थपलियाको अभिनय रहेको छ । उक्त गीतमा सह कलाकारको रुपमा कृष्णप्रसाद ढुंगाना, राज कार्की, विपना लाम्गाडे, बाबा जोन (केदार बानियाँ) र सिम्रन राउतको पनि अभियन रहेको छ । यस्तै गीतमा बाल कलाकारको रुपमा अदित थपलियाको अभिनय रहेको छ ।

चर्चित निर्देशक अम्भिर बिष्टले निर्देशन गरेको गीतको म्यूजिक भिडियोमा सुरेन्द्र बसेलले सहायक निर्देशकको भूमिका निर्वाह गरेका छन् भने कथा काशी जेट्टीकै रहेको छ । म्यूजिक भिडियाे ब्रेकिग नेपाल युट्युव च्यानलबाट मंगलबार सार्वजनिक भएको हाे ।