Logo

अर्थ

टाटा मोटर्सको ‘७.७ डिल्स लाइक नेभर विफोर’ योजना आजदेखि सुरु



काठमाडाैं । टाटा मोटर्सको नेपालका लागि एकमात्र आधिकारिक वितरक सिप्रदी ट्रेडिङ प्रालिले आजदेखि विशेष योजना ‘७.७ डिल्स लाइक नेभर विफोर’ सार्वजनिक गरेको छ। कम्पनीले असार २३ गतेसम्म, अर्थात् पाँच दिनसम्म सीमित यस योजना अन्तर्गत ग्राहकहरूले विभिन्न आकर्षक सेवा सुविधा पाउनेछन् ।

यस कार्यक्रमअन्तर्गत जुनसुकै ब्रान्डका पुराना गाडी साटेर टाटा ब्राण्डका पेसेन्जर श्रेणीअन्तर्गत नेपालमा सर्वाधिक रुचाइएका अत्याधुनिक प्रविधियुक्त नयाँ टियागो ईभी, पन्च ईभी, नेक्सन के३ ईभी र कर्भ ईभी एक्सचेन्ज तथा खरिद गर्न सकिनेछ ।

‘७.७ डिल्स लाइक नेभर विफोर’ कार्यक्रमअन्तर्गत ग्राहकहरु लक्षित गर्दै हरेक टाटा गाडीको खरिदमा जोडीका लागि थाइल्याण्ड भ्रमणका साथै एक वर्षको अटोप्लस बीमा, दुई आर्थिक वर्षसम्मको सवारी कर, एसेसोरिज, वारेन्टी अवधिभर चार्जिङ सेवा, चार्जिङ बक्ससहित जडान, र एम्बोस्ड नम्बर प्लेटजस्ता सुविधा निःशुल्क रुपमा प्राप्त गर्नसक्ने अवसर छ ।

सो अवसरमा ग्राहकहरुलाई नेपालभर रहेका टाटा मोटर्सको शोरुममा नयाँ तथा अत्याधुनिक डिजाइनका गाडीहरु अवलोकन तथा हरेक टेस्ट ड्राइभ, बुकिङ र गाडी मूल्यांकन गर्दा ग्राहकहरूलाई आकर्षक उपहारहरू प्रदान गरिने कम्पनीले जनाएको छ। एकजना भाग्यशाली विजेताले बम्पर पुरस्कारस्वरूप आईफोन १६ जित्ने अवसर समेत पाउनेछन् ।

प्रकाशित मिति : १९ असार २०८२, बिहीबार १२:५७   :  बजे

21
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।