काठमाडौं । राष्ट्रपति रामचन्द्र पौडेलले पुनर्विचारका लागि फिर्ता पठाएको ४३ दिनपछि संवैधानिक परिषद्सम्बन्धी विधेयक आज पुनः प्रतिनिधि सभामा अघि बढ्दैछ ।
प्रधानमन्त्री केपी शर्मा ओलीले दिउँसो १ बजे बस्ने संसद् बैठकमा राष्ट्रपति सन्देशसहित फिर्ता भएको विधेयकमाथि पुनर्विचार प्रस्ताव पेश गर्ने कार्यसूची छ ।
राष्ट्रपति कार्यालयका अनुसार विधेयक संविधानको मर्म, भावना र लोकतान्त्रिक मूल्य विपरीत रहेको भन्दै चासो व्यक्त गरिएको थियो ।
विधेयक १२ फागुन २०७९ मा दर्ता भई दुवै सदन पारित भइसकेको थियो । अब पुनर्विचारपछि संसद्ले फेरि पारित गरेमा राष्ट्रपतिले १५ दिनभित्र प्रमाणीकरण गर्नुपर्ने संवैधानिक प्रावधान छ ।




















प्रतिक्रिया