काठमाडौं । इजरायलमा हमासद्वारा नियन्त्रणमा लिइएका विपिन जोशी जीवित नरहेको इजरायली सेनाका अधिकारीले बताएका छन् ।
इजरायली सेनाका एक अधिकारीले सोमबार बिहान नेपाली राजदूत धनप्रसाद पण्डितसहित परिवारका सदस्यहरूलाई भिडियो कन्फरेन्समार्फत विपिन ‘जीवित नरहेको’ औपचारिक जानकारी दिएका हुन् ।
अमेरिकाको पहलमा इजरायल-हमास युद्धविरामसँगै आज बन्दीहरूको रिहाइ हुने क्रममा पनि विपिनको नाम सूचीमा नदेखिएपछि उनको मृत्यु पुष्टि गरिएको हो ।
विपिन सन् २०२३ नोभेम्बरमा गाजाको अल शिफा अस्पतालमा देखिएपछि सम्पर्कविहीन थिए । सरकारको कूटनीतिक प्रयास जारी रहे पनि उनको अवस्थाबारे प्रगति देखिएको थिएन ।




















प्रतिक्रिया