जुवा खेलिरहेका २७ जना पक्राउ

जिल्ला प्रहरी परिसर भक्तपुरले ठूलो रकमसहितको २७ जना जुवाडेलाई नियन्त्रणमा लिएको छ।

जुवा खेलिरहेको अवस्थामा ९ लाख २३ हजार ९६० रुपैयाँ नगद र १६ थान कौडासहित उनीहरुलाई पक्राउ गरिएको प्रहरीले जनाएको छ ।

परिसरका प्रहरी नायब उपरीक्षक प्रकाश जबेगुले पक्राउ परेकालाई हिरासतमा राखी थप अनुसन्धान भइरहेको जानकारी दिए। उनका अनुसार पक्राउ परेकामाथि कानूनी प्रक्रिया अगाडि बढाउने तयारी भइरहेको छ।