काठमाडौं । नेपाल इन्भेष्टमेन्ट मेगा बैंक लिमिटेडले ४ लाख ८८ हजार बढी कित्ता संस्थापक सेयर बिक्रीमा राखेकाे छ। बैंकले ६ जना संस्थापक शेयरधनीहरूकाे नाममा रहेको कुल ४ लाख ८८ हजार ३०९ कित्ता संस्थापक सेयर बिक्री खुला गरेकाे हाे ।
हाललाई यो सेयरमा बैंककै संस्थापक शेयरधनीहरुले मात्रै खरिदका लागि निवेदन पेस गर्न सक्नेछन् । सेयर खरिद गर्न इच्छुक विद्यमान संस्थापक शेयरधनीहरूले यो सूचना प्रकाशित भएको मितिले ३५ दिनभित्र आवेदन दिनुपर्नेछ ।
संस्थापक शेयरधनीहरुले सेयर खरिदका लागि आफूले खरिद गर्न चाहेको सेयर सङ्ख्या र प्रति कित्ता मूल्य समेत खुलाई बैंकको सेयर रजिष्ट्रारको कार्यालय, आईटी प्लाजा, कमलादी, काठमाडौँमा निवेदन दिनु पर्नेछ ।
प्रतिक्रिया