Logo

समाचार

रेमिट्यान्समा युद्धग्रस्त मुलुककाे याेगदान ४१ प्रतिशत, ४ खर्ब विप्रेषण दाउमा



काठमाडौं : मध्यपूर्वमा चर्किएको द्वन्द्वका कारण नेपालको रेमिट्यान्समा ठूलो असर पर्ने देखिएको छ।

नेपाल राष्ट्र बैंकका अनुसार चालू आर्थिक वर्षको पहिलो ६ महिनामा भित्रिएको कुल रेमिट्यान्समध्ये करिब ४१ प्रतिशत हिस्सा मध्यपूर्वका देशबाट आएको छ।

युएई, साउदी अरब, कतार र कुवेतबाट मात्रै ठूलो परिमाणमा रेमिट्यान्स आउने भएकाले त्यहाँको अस्थिरताले करिब ४ खर्ब रुपैयाँ बराबर विप्रेषण जोखिममा परेको छ।

द्वन्द्वका कारण रोजगार प्रभावित हुँदा नेपाली कामदार स्वदेश फर्किन थालेका छन्।

यसले रेमिट्यान्स मात्र नभई कुल ग्राहस्थ उत्पादन (जीडीपी), रोजगारी र विदेशी विनिमय सञ्चितिमा समेत नकारात्मक असर पर्ने चिन्ता व्यक्त गरिएको छ।

विज्ञहरूले दीर्घकालीन समाधानका लागि आन्तरिक रोजगारी र उत्पादनमा जोड दिनुपर्ने बताएका छन्।

प्रकाशित मिति : ५ चैत्र २०८२, बिहीबार ०७:०७   :  बजे

9
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।