Logo

समाचार

विदेशमा रहेका नेपालीलाई सीआईएले कब्जा गरेर घण्टीमा भोट हाल्न लगायो : चित्रबहादुर केसी



काठमाडौं । राष्ट्रिय जनमोर्चा नेपालका अध्यक्ष चित्रबहादुर केसीले विदेशमा रहेका नेपाली नागरिकहरू अमेरिकी गुप्तचर संस्था सेंट्रल इंटेलिजेन्स एजेंसी (सीआईए)को नियन्त्रणमा राखेर उनीहरूलाई भोट हाल्न लगाएको दाबी गरेका छन्।

सोमबार आयोजित पत्रकार सम्मेलनमा अध्यक्ष चित्रबहादुर केसीले विदेशमा रोजगारी वा अध्ययनका लागि रहेका नेपाली विद्यार्थी तथा नागरिकहरू सीआईएको प्रभावमा रहेको बताए।

उनले भने, ‘विदेशमा रहेका नेपालीहरू, जहाँ गएर बसेका छन्, तिनीहरूलाई सीआईएको नियन्त्रणमा राखेर भोट घण्टीमा हाल्न बाध्य बनाइएको छ। यस्तो अवस्थामा पनि हामीले चिन्ता गर्नु पर्ने हो कि होइन?’

अध्यक्ष केसीले देशभरि सिंहदरबार, सर्वोच्च अदालत र संसद् जलाउने गतिविधि बढेको भन्दै जनताले सधैं सही निर्णय नदिने उल्लेख पनि गरे। उनका अनुसार, देशलाई गलत दिशामा लैजाने शक्ति कम्युनिस्ट पार्टीसँग सम्बन्धित रहेको छ।

केसीले कांग्रेस, एमाले र माओवादी दलले भ्रष्टाचार गर्दै जनतालाई सुख नपाएको आरोप लगाउँदै भने, ‘अमेरिकाले चीनको विरोधमा आफ्नो खेल खेल्दैछ र यसले केही नेताहरूको पुनर्स्थापनामा प्रभाव पार्न खोजेको हो।’

अध्यक्ष केसीले देशको वर्तमान राजनीतिक अवस्था र विभिन्न दलका नेतासँगको छलफलबारे पनि जानकारी दिँदै प्रत्यक्ष कार्यकारीको निर्णयको विषयमा टिप्पणी गरे।

उनले भने, ‘प्रत्यक्ष कार्यकारीको कुरा अमेरिका जस्तो प्रजातान्त्रिक देशमा लागू हुँदैन। ट्रम्पजस्ता नेता मात्र चयन गर्छन् भन्ने होइन। जनताले सधैं सही फैसला गर्छन् भन्ने कुरा होइन।’

केसीको यो दाबीले राजनीतिक तथा कूटनीतिक बहसलाई नयाँ आयाम दिएको छ।

प्रकाशित मिति : ९ चैत्र २०८२, सोमबार १७:५८   :  बजे

12
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।