रुपन्देहीमा ६० वर्षीया महिलाको हत्या आरोपमा किशोर पक्राउ

बुटवल । रुपन्देहीको शुद्धोधन गाउँपालिका–१, सिसइचोकमा ६० वर्षीया रेनु पटवाको हत्या आरोपमा प्रहरीले एक किशोरलाई पक्राउ गरेको छ।

चैत २ गते राति रेनुको आफ्नै किराना पसलमै हत्या भएको थियौ ।जिल्ला प्रहरीले कार्यालय रुपन्देहीले रेनुको हत्या १६ वर्षीय स्थानीय किशोरले गरेको प्रहरीले जनाएको छ।

प्रहरीले किशोरको अन्य विवरण खुलाएको छैन। पसलमा चुरोट किन्न निस्किएका ती किशोर र पसल सञ्चालक रेनु बिच चुरोट खरिद गर्ने क्रममा विवाद हुँदा पसलमा रहेको कैँची प्रहार गरी वृद्धाको हत्या गरिएको जिल्ला प्रहरी कार्यालय रुपन्देहीले जनाएको छ।

पक्राउ परेका किशोरलाई जिल्ला अदालत रुपन्देहीबाट म्याद थप गरी कर्तव्य ज्यान मुद्दामा अनुसन्धान भइरहेको प्रहरीले जनाएको छ।