रिडी हाइड्रोपावर डेभलपमेन्ट कम्पनी लिमिटेडले शेयरधनीहरूलाई बोनस शेयर वितरण गर्न लागेको छ ।
कम्पनीको हिजो (मंसिर ४ गते, बिहीबार) बसेको सञ्चालक समितिको बैठकमा आर्थिक वर्ष २०७६–७७ को मुनाफाबाट कम्पनीको शेयरधनीहरूलाई ५ प्रतिशत बोनस शेयर र कर प्रयोजनका लागि ०.२६३१ प्रतिशत नगद लाभांश वितरण गर्ने प्रस्ताव गरेको हो ।
उक्त लाभांशलाई कम्पनीको मंसिर २६ गते जुमबाट हुने १९औं वार्षिक साधारण सभाबाट पारित भएपश्चात वितरण गरिने कम्पनीले जनाएको छ ।
त्यसैगरी, कम्पनीले साधारण सभा तथा लाभांश वितरण गर्ने प्रयोजनका लागि मंसिर १५ गते, सोमबार बुक क्लोज गर्ने भएको छ । त्यसैले, मंसिर १४ गतेसम्म नेप्सेमा कारोबार भई कायम शेयरधनीले मात्र साधारण सभामा भाग लिन तथा उक्त लाभांश प्राप्त गर्न सक्नेछन् ।
प्रतिक्रिया