Logo

जाडोमा यसरी गर्नुहोस् छाला स्याहार



जाडो मौसममा चिसोका कारण छाला सुख्खा हुने समस्या धेरैमा हुन्छ । छालाको सुन्दरताका लागि जाडो मौसम उपयुक्त होइन । त्यसैले जाडोको समयमा छालाको विशेष हेरचाह गर्नुपर्छ ।

चिसोका कारण ओठ, मुख र शरीर सुख्खा हुन्छ । सुख्खा छालामा छालासम्बन्धि रोगहरु बल्झिन्छ ।  हाम्रो शरीरको तापक्रम भन्दा बाहिरी वातावरणको तापक्रम कम भएका वातावरणले  शरीरको ताप तान्न थाल्छ । जसले गर्दा हाम्रो शरीरबाट पानीको मात्रा कम हुन्छ र छाला सुख्खा हुने समस्या देखिन्छ ।

यस्तै केही व्यक्तिमा भने वंशागुगत वा जन्मजात छाला सुख्खा हुने समस्या पनि हुन्छ । एलर्जी, दम, थाइराइडका बिरामी, हर्माेनकाे समस्या, भिटामिन डी र ईको कमी भएका व्यक्तिमा छाला सुख्खा हुन्छ ।

यसकारण हुन्छ छाला सुख्खा

–धेरै तातोपानीले नुहाउँदा,

– साबुनको धेरै प्रयोग गर्दा छाला फुट्ने समस्या बढ्छ,

–सुगरको औषधि सेवन गर्ने व्यक्तिमा छाला सुख्खा हुने समस्या हुन्छ,

–ब्लड प्रेसरको औषधि सेवा गर्नेहरुमा छाला सुख्खा हुने समस्या हुन्छ ।

छाला सुख्खा हुन नदिन यस्तो गर्नुस्

– खानपानमा विशेष ध्यान दिने,

–धेरै तातो पानीले ननुहाउने,

–प्रशस्त पानी पीउने,

–जाडो मौसम सुरु भएसँगै शरीर ढाक्ने कपडा लगाउने,

–छालामा टाँसिने गरी सुतीको कपडा प्रयोग गर्ने,

–हातमुख धुदा वा नुहाउँदा कडा खालको साबुन प्रयोग नगर्ने,

–नुहाएपछि तेल वा मोस्चराइजर लगाउने,

– छाला धेरै सुख्खा भएर हात खुट्टा फुट्ने समस्या छ भने मनतातो पानीमा नुन राखेर डुबाउने त्यसपछि तेल लगाउने ।

 

प्रकाशित : ८ मंसिर २०७७, सोमबार