सुनको मूल्य सामान्य वृद्धि, कतिमा हुँदैछ काराेबार?

काठमाडौं । नेपाली बजारमा बिहीबार सुनको मूल्य सामान्य बढेको छ । आज सुनको मूल्य तोलामा ४ सय रुपैयाँले बढेको नेपाल सुनचाँदी व्यवसायी महासंघले जनाएकाे  छ ।

योसँगै आज प्रतितोला सुन २ लाख ८५ हजार २ सय रुपैयाँ कायम भएको छ । हिजो सुनको मूल्य तोलामा २ लाख ८४ हजार ८०० रुपैयाँमा कारोबार भएको थियो ।

यसैगरी आज चाँदीको मूल्य भने घटेको छ । आज चाँदी तोलामा ९० रुपैयाँले घटेको हो । यससँगै आज चाँदी तोलामा ४ हजार ३२५ रुपैयाँ कायम भएको छ । हिजो चाँदीको भाउ ४ हजार ४१५ रुपैयाँ थियो ।