काठमाडौं । नेपाल इन्भेस्टमेन्ट मेगा बैंक (एनआईएमबी)ले आफ्ना ग्राहकलाई लक्षित गर्दै अटो लोन सुविधा सार्वजनिक गरेको छ। बैंकले ‘तपाईंको यात्रा, हाम्रो सहयोग’ नारासहित सपनाको गाडी खरिदका लागि अटो लोन योजना अघि सारेको हो।
बैंकका अनुसार एनआईएमबी अटो लोनमा ब्याजदर बेस रेटमा ०.५ प्रतिशत थप हुने गरी निर्धारण गरिएको छ। यस योजनामार्फत ग्राहकले आफ्नो आवश्यकता र क्षमताअनुसार सवारीसाधन खरिदका लागि कर्जा लिन सक्नेछन्।
बैंकले व्यक्तिगत प्रयोजनका लागि नयाँ सवारीसाधन खरिद गर्न चाहने ग्राहकलाई लक्षित गर्दै अटो लोनलाई सहज वित्तीय विकल्पका रूपमा अघि सारेको जनाएको छ।
एनआईएमबीले ‘तपाईंको यात्राको नयाँ सुरुवातमा एनआईएमबी सधैं साथमा’ भन्ने सन्देशसहित उक्त कर्जा योजनाको प्रचार गरेको छ। बैंकले ग्राहकलाई आवश्यक थप जानकारी तथा कर्जा प्रक्रियाका लागि सम्बन्धित शाखा वा बैंकको सम्पर्क माध्यमबाट जानकारी लिन आग्रह गरेको छ।
बैंकले अटो लोनसँगै ग्राहकको दैनिक आवश्यकता र जीवनशैलीअनुसार विभिन्न बैंकिङ तथा कर्जा सुविधा उपलब्ध गराउँदै आएको जनाएको छ।
सवारीसाधन खरिदका लागि ठूलो रकम एकैपटक जुटाउनुपर्ने अवस्थामा अटो लोनले ग्राहकलाई किस्ताबन्दीमार्फत भुक्तानी गर्ने सुविधा प्रदान गर्ने भएकाले बैंकको यो योजना नयाँ गाडी खरिद गर्ने ग्राहकका लागि लक्षित देखिएको छ।
बैंकले सार्वजनिक गरेको विवरणअनुसार अटो लोनसम्बन्धी थप जानकारीका लागि एनआईएमबीको वेबसाइट तथा बैंकको सम्बन्धित शाखामा सम्पर्क गर्न सकिनेछ।
प्रतिक्रिया