Logo

अर्थ

‘माया धराने’ साबुन उद्योगको काम रोक्न हर्क साम्पाङविरुद्ध अदालतको आदेश



विराटनगर । उच्च अदालत विराटनगरले साबुन उद्योग निर्माणको काम रोक्न धरान उपमहानगरपालिकालाई अन्तरिम आदेश दिएको छ । उपमहानगरपालिकाले कार्यपालिका निर्णयका आधारमा धरान–२० मा पर्ने जलकन्या सामुदायिक वनको जग्गामा सावुन उद्योग निर्माणको काम थालेको थियो ।

मेयर हर्क सम्पाङले वनको जग्गामा वातावरणीय प्रभाव मूल्यांकन नगरी काम सुरु गरेको भन्दै जिल्ला वन कार्यालय सुनसरीले उच्च अदालत विराटनगरमा रिट दायर गरेको थियो । न्यायाधीश रामबहादुर थापा र किरणकुमारी गुप्ताको संयुक्त इजलासले बुधबार निवेदनको किनारा नलागेसम्म काम अघि नबढाउन अन्तरिम आदेश जारी गरेको हो ।

मेयर साम्पाङले ‘माया धराने’ साबुन उद्योगका लागि काम थालेका थिए । उद्योगका लागि उनले श्रम दान पनि सुरु गरेका थिए ।

प्रकाशित मिति : ७ पुष २०७९, बिहीबार १३:०५   :  बजे

90
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।