काठमाडौं- पछिल्लो एक साता यता काठमाडौंमा वर्षा हुने र रोकिने क्रम चलिरहेको छ। नेपालमा पश्चिमी वायु तथा स्थानीय वायुको प्रभावका कारण वर्षा भइरहेको छ।
अरब सागरबाट जलवाष्पयुक्त हावा नेपालसम्म आइपुगेकाले बादल लाग्ने र पानी पर्ने क्रम जारी रहेको महाशाखाको भनाइ छ।
शनिबारसम्म नै बदली र वर्षाको सम्भावना रहेको जल तथा मौसम पूर्वानुमान महाशाखाले जनाएको छ। महाशाखाका अनुसार आज, भोलि र पर्सिसम्म नै देशका धेरैजसो ठाउँ मुख्य गरी पहाडी क्षेत्रमा मौसम बदली, केही ठाउँमा हल्का वर्षा र थोरै ठाउँमा मध्यम वर्षाको अनुमान छ।
अघिल्लो हप्ता बुधबारदेखि देशका धेरै ठाउँमा बदली र वर्षा भैरहेको छ। गएराति पनि काठमाडौं उपत्यकासहित सिन्धुपाल्चोक, तनहुँ, संखुवासभा, धादिङलगायतका जिल्लामा हल्का पानी परेको थियो।
काठमाडौंसहित बाग्मती, कोशी र गण्डकीमा आज दिउँसोपछि हल्का तथा मध्यम पानी परिरहेको छ।
पूर्वी नेपालका धेरैजसो भागमा पानी परे पनि पश्चिम नेपालमा बादलमात्र लाग्ने पूर्वानुमान छ।
तस्बिरहरू:
प्रतिक्रिया