Logo

प्रमुख समाचार

बीमा क्षेत्रमा ऐतिहासिक उपलब्धि, सबै सरकारी सम्पत्तिको बीमा गर्ने निर्णय



काठमाडौं । जेनजी आन्दोलनका क्रममा सरकारी संरचनामा भएको तोडफोड र आगजनीपछि सरकारले सरकारी सम्पत्ति बीमा गर्ने निर्णय गरेको छ ।

५ असोजको मन्त्रिपरिषद् बैठकले सरकारी भवन, गाडी लगायत भौतिक संरचनाको बीमा प्रक्रिया सुरु गर्ने निर्णय गरेको हो । हालसम्म सवारीसाधनको तेस्रो पक्ष बीमा बाहेक अन्य सरकारी सम्पत्तिको बीमा गरिएको थिएन ।

अर्थ मन्त्रालयका प्रवक्ता टंकप्रसाद पाण्डेयकाअनुसार, बीमा नहुँदा जेनजी आन्दोलनबाट निजी क्षेत्रभन्दा सरकारी क्षेत्रलाई बढी क्षति पुगेको छ । बीमा गर्न सम्पत्ति मूल्यांकन, बजेट विनियोजन र बीमांक निर्धारण प्रक्रिया अघि बढाइनेछ ।

बीमा प्राधिकरणले यसअघि नै सरकारी सम्पत्ति बीमा गर्न सुझाव दिएको थियो। प्राधिकरणले यस्तो बीमाका लागि ‘ब्ल्यांकेट बीमा योजना’ उपयुक्त हुने जनाएको छ । हाल क्षतिको तथ्यांक संकलन भैरहेको र करिब एक महिनापछि पूर्ण विवरण आउने सरकारको भनाइ छ ।

प्रकाशित मिति : ९ आश्विन २०८२, बिहीबार ११:०२   :  बजे

63
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।