अभिनेत्री नम्रता सापकोटाले गरिन् विवाह

उनको विवाह समारोह नागार्जुन सितापाइलास्थित निजी निवासमा आयोजना गरिएको छ । विवाहमा सीमित पारिवारिक सदस्यको मात्र उपस्थिति रहेको थियो ।

उनले बुधवार साँझ मेहन्दी समारोहको एक तस्बिर सामाजिक सञ्जालमा पोस्ट गर्दै आफू विवाह बन्धनमा बाँधिन लागेको जानकारी दिएकी थिइन् । तर, उनले श्रीमानबारे कुनै जानकारी दिएकी थिइनन् ।

उनी पछिल्लो समय ओशो सन्न्यासी समेत बनेकी थिइन् ।पछिल्लो पटक फिल्म ‘नम्बरी सुन’मा देखिएकी उनले सन् २०१३ मा प्रदर्शन भएको फिल्म ‘अन्तराल’बाट फिल्म अभिनयमा डेब्यु गरेकी थिइन् । उनले अहिलेसम्म एक दर्जनभन्दा बढी फिल्ममा अभिनय गरिसकेकी छन् ।