काठमाडौं । आन्तरिक राजस्व विभागका अनुसार चालु आर्थिक वर्ष २०८२र८३ को असोज महिनामा ६ हजार २५४ नयाँ करदाता थपिएका छन्। यससँगै स्थायी लेखा नम्बर प्यान लिनेको कुल संख्या ८१ लाख ९५ हजार ४१४ पुगेको छ।
विभागको तथ्यांकअनुसार गत आर्थिक वर्ष २०८१र८२ को असार मसान्तसम्म प्यान लिनेको संख्या ७९ लाख १० हजार ८६४ थियो। चालु आर्थिक वर्षको असोज मसान्तसम्म आइपुग्दा यो संख्या २ लाख ८४ हजार ५५० ले बढेको हो।
प्यान लिनेमा व्यावसायिक, व्यक्तिगत तथा करकट्टी गर्ने निकाय रहेका छन्। असोज मसान्तसम्म व्यावसायिक स्थायी लेखा नम्बर ९बी–प्यान० लिनेको संख्या २२ लाख २७ हजार ८३७ पुगेको छ। गत असार मसान्तसम्म यस्तो संख्या २१ लाख ७४ हजार ९१२ थियो। असोजमा मात्रै ५२ हजार ९२५ व्यावसायिक प्यान थपिएका हुन्।
त्यस्तै, व्यक्तिगत स्थायी लेखा नम्बर पी–प्यान लिनेको संख्या ५९ लाख २७ हजार ९३५ पुगेको छ। गत असार मसान्तसम्म ५६ लाख ९६ हजार ७०८ जनाले यस्तो प्यान लिएका थिए। असोजमा मात्रै २ लाख ३१ हजार २२७ व्यक्तिगत प्यान थपिएको विभागको तथ्यांकले देखाउँछ।
भुक्तानीमा करकट्टी गर्ने निकायले लिएको स्थायी लेखा नम्बर डब्लूपीएएन को संख्या पनि बढेको छ। असोज मसान्तसम्म यस्तो प्यान लिने निकायको संख्या ३९ हजार ५६२ पुगेको छ। गत असार मसान्तसम्म यो संख्या ३९ हजार १६४ थियो। यस अवधिमा ३९८ वटा डब्लूपीएएन थपिएका छन्।
यसैगरी, मूल्य अभिवृद्धि कर भ्याट मा दर्ता भएका करदाताको संख्या ३ लाख ९० हजार ४७ पुगेको छ। गत आर्थिक वर्षको असार मसान्तसम्म भ्याटमा दर्ता हुनेको संख्या ३ लाख ७८ हजार २६८ थियो। असोज महिनामा मात्रै ११ हजार ७७९ करदाता थपिएका हुन्।
अन्तःशुल्कमा दर्ता हुने करदाताको संख्या पनि बढेको छ। गत असार मसान्तसम्म १ लाख ३२ हजार ६७२ रहेको यस्तो संख्या असोज मसान्तसम्म आइपुग्दा १ लाख ३८ हजार ९२६ पुगेको छ।
विभागको तथ्यांकले चालु आर्थिक वर्षको पहिलो तीन महिनामा प्यान, भ्याट तथा अन्तःशुल्कमा दर्ता हुने करदाताको संख्या बढेको देखाएको छ।
सम्पादकीय नोटस् मूल समाचारमा असोज महिनामा ६ हजार २५४ नयाँ करदाता थपिएको उल्लेख छ भने प्यानको कुल संख्या २ लाख ८४ हजार ५५० ले बढेको देखिन्छ। यी दुई तथ्यांकबीचको भिन्नता स्पष्ट पार्न विभागको मूल तथ्यांकसँग पुनः रुजु गर्नु उपयुक्त हुन्छ।





















प्रतिक्रिया