मेगा बैंकले १० प्रतिशत बोनस शेयर दिने

मेगा बैंकले १३.०५ प्रतिशत लाभांश घोषणा गरेको छ । आर्थिक वर्ष २०७६/७७ को नाफाबाट मेगा बैंकले सेयरधनीहरुलाई १० प्रतिशत बोनस सेयर र ३.०५ प्रतिशत नगद लाभांश सहित उक्त दिने जनाएको हो ।

बैंक सञ्चालक समितिको बिहीबार बिहान बसेको सञ्चालक समितिको बैठकले हाल कायम रहेको १३ अर्ब ३२ करोड चुक्ता पुँजीबाट सो लाभांश वितरण गर्न लागेको हो । यो घोषणा अनुसार बैंकले १ अर्ब ३३ करोड रुपैयाँ बराबरको बोनस सेयर तथा ४० करोड ६३ लाख बराबरको नगद लाभांश वितरण गर्नेछ । यो लाभांश वितरणपछि सो बैंकको १४ अर्ब ६५ करोड रुपैयाँ पुग्नेछ ।

लाभांश प्रतिशत १३.०५ हुनुपर्नेमा यसअघि भुलबस अन्यथा भएकाले सच्याइएको छ ।– सं.