६ महिनादेखि बन्द रसुवागढी नाका खुल्यो

कोरोना भाइरसका कारण बन्द रहेको रसुवागढी नाका सञ्चालनमा आएको छ । ६ महिनासम्म बन्द रहेको नेपाल–चीन रसुवागढी नाका सोमबारबाट एकतर्फी सञ्चालनमा आएको हो ।

चीनियाँतर्फबाट मितेरी पुलमा सामान ल्याइदिएपछि औपचारिक रुपमा नाका सञ्चालनमा आएको रसुवागढी भन्सारले जानकारी दिएको छ।

चीनबाट नेपालमा सामान आउने तर, नेपालबाट चीनमा कुनै पनि सामान नजाने हिसावले दुई देशबीच व्यापार सुरु गर्ने सुरक्षा मापदण्डमा समझदारी बनेपछि नाका खुलेको हो ।