जमिन काटेर पानी भाग लगायौँ
तर खै हाम्रो पौरखको तरबारले
पानी काटेको कतै देखिएन !
बाटो फेर्न सक्छौँ, फेर्याैँ
तर खै खुट्टालाई ढाँट्न त सकेनौँ !
आमाकै दूध पिएर हामी यहाँसम्म आएको सत्य हो !
उमेरको रापले आमालाई अशक्त बनाएको पनि सत्य हो !
शिखर चुम्ने नाममा
आमालाई आधारशिविरमै छोडेर
कुन हिमाल चुम्न हिँडेका छौँ हामी?
आरोहण–यात्री,
आमाभन्दा अग्लो हिमाल कुन भूगोलमा उभिएको देखेका छौ ?
प्रतिक्रिया