डोटी । डोटीको बडीकेदार गाउँपालिकामा नेपाली कांग्रेस विजयी भएको छ । नेपाली कांग्रेसबाट गाउँपालिका अध्यक्षका उम्मेदवार भैरबबहादुर साउदले २३४३ मत ल्याएर विजयी भएका हुन् । उनका निकटतम प्रतिद्धन्द्धी नेकपा एमालेका चक्रबहादुर घर्तीमगरले १६८४ मत ल्याएर हार व्यहोरेका छन् ।
त्यसैगरी गाउँपालिकाको उपाध्यक्षमा नेपाली कांग्रेसका डम्मरीकुमारी बिष्ट विजयी भएकी छन् । उनी २४०७ मत ल्याएर विजयी भएकी हुन् । उनका निकटतम प्रतिद्धन्द्धी नेकपा एमालेकी सपना सिराडीले २२७६ मत ल्याएकी छन् ।
बडीकेदार गाउँपालिकामा नेकपा एकिकृत समाजवादी र नेकपा माओवादी केन्द्रले गठबन्धन गरेका थिए भने नेपाली कांग्रेस र नेकपा एमाले एक्ला–एक्लै चुनाव लडेका हुन् ।
त्यसैगरी बडीकेदार गाउँपालिका -१ मा नेपाली कांग्रेसका डबल बोहरा ५३० मत ल्याएर विजयी भएका छन्। वडा नम्बर २ मा नेकपा माओवादी केन्द्रका प्रेमबहादुर घर्तीमगर ४०५ मत ल्याएर विजयी भएका हुन् । वडा नम्बर ३ मा नेपाली कांग्रेसका रामबहादु गुरुङ्ग ५६२ मत ल्याएर विजयी भएका छन् भने वडा नम्बर ४ मा नेकपा एमालेका कर्णबहादुर जेठारा ५३२ मत ल्याएर विजयी भएका छन्। त्यसैगरी वडा नम्बर ५ मा नेकपा एमालेका पदमसिं बोहरा ६५८ मत ल्याएर विजयी भएका छन् ।
जिल्लाकाे अन्य ६ पालिकामा नेपाली कांग्रेसले अग्रता लिएको छ भने दुईवटा पालिकामा भने नेकपा एमालेले अग्रता लिएको छ।
प्रतिक्रिया