कन्जुसको घरमा भोकाहरु रुन्छन्

कन्जुसको घरमा भोकाहरु रुन्छन् ।
मरुभूमिमा नाम्लो डोकाहरु रुन्छन् ।

दिन प्रतिदिन मारिन्छन् धेरै निर्दोषहरु नै 
कठै बन्दुकको ति खोकाहरु रुन्छन् । 

राहातका नाममा जम्मा भएका सामाग्री । 
भण्डारणमा सडेका पोकाहरु रुन्छन् ।

मान्छेको जीवन माथि राजनितिक खेलवाड ।
वास्तविकता बुझेर रोकाहरु रुन्छन् ।

मानविय दुरुदसा र सरकारको नियति देखेर ।
कारुणिक दृश्य नै छोकाहरु रुन्छन् ।

भन्छन् सत्य रुपि प्रकृतिमा हस्तक्षेप धेरै भो । 
विनास देखि स्वर्गका ढोकाहरु रुन्छन् ।

(युवराज सुवेदी युबा लेखक तथा अनुसंधानकर्ता हुन्)