Logo

राजनीति

प्रचण्डलाई देउवा र ओलीको फोन, के विषयमा भयो कुराकानी ?



काठमाडौं । संसदीय चुनावको नतिजा सार्वजनिक भइरहेका बेला बिहीबार प्रधानमन्त्री शेरबहादुर देउवा र नेकपा (एमाले) का अध्यक्ष केपी शर्मा ओलीले फोन गरेका छन् ।

गोरखा क्षेत्र नं २ बाट विजयी भएका प्रचण्डलाई देउवा र ओलीले फोन गरेर बधाई दिएका हुन् । फोनमा उनीहरूले एकआपसमा बधाई साटासाट गरेको स्रोतले बताएको छ ।

ओलीले भने प्रचण्डसँग मिलेर जानेबारे कुराकानी गरेका थिए । ओलीले कम्युनिष्ट पार्टी मिलेर नजाँदा निर्वाचनमा धक्का लागेको समेत बताएका थिए ।

प्रचण्डले ओलीलाई चुनावमा सोचेभन्दा राम्रो नतिजा निकालेको भन्दै प्रशंसा पनि गरेका थिए । ओलीले कम्युनिस्ट आन्दोलन शिथिल पार्नका लागि अराजनीतिक समूहलाई अघि बढाउने कोशिस भइरहेको भन्दै ध्यानपूर्वक सोच्नुपर्ने बताएका थिए ।

प्रकाशित मिति : मंसिर ८, २०७९ बिहीबार  ६ : २८ बजे