काठमाडौं । नक्कली भुटानी शरणार्थी प्रकरणमा पूर्वमन्त्री एवं नेकपा एमालेका सचिव टोपबहादुर रायमाझीका छोरा पक्राउ परेका छन् । स्रोतका अनुसार उनलाई बुटवलबाट प्रहरीले पक्राउ गरेको हो ।
पूर्वमन्त्री रायमाझी र उनका छोरा सन्दीपविरुद्ध बुधबार पक्राउ पुर्जी जारी भएको थियो । पूर्व गृहमन्त्री रामबहादुर थापा ‘बादल’का सुरक्षा सल्लाहकार इन्द्रजित राईसमेत संलग्न रहेको गिरोहलाई सहयोग गरेको पाइएपछि एमाले सचिव रायमाझी र उनका छोराविरुद्ध पक्राउ पूर्जी जारी भएको हो ।
गिरोहका सदस्यले रायमाझीका छोराका नाममा काटेको डेढ करोडको चेक पनि प्रहरीले बरामद गरेको बताइएको छ ।
प्रतिक्रिया