काठमाडौं । त्रिभुवन अन्तर्राष्ट्रिय विमानस्थल भन्सार कार्यालय बाहिर बरामद गरिएको सुन आज गालिएको छ । एक क्वीन्टल भनिएको सुन गाल्नुअघि जोख्दा ६० किलो ७८९ ग्राम थियो । पगालेर जोख्दा सुन ७३ ग्रामले घटेर ६० किलो ७१६ ग्राम भएको छ ।
नेपाल राष्ट्र बैंकको टक्सार महाशाखाकाअनुसार ब्रेक शुबाट छुट्टयाएको सुन गालेर जोख्दा ६० किलो ७१६ ग्राम भएको हो ।
चिनियाँ तस्करले हङकङबाट भित्र्याएको सुन गत असार २९ गते विमानस्थल भन्सारसमेत पार गरिसकेको अवस्थामा सिनामंगल सडकबाट राजस्व अनुसन्धान विभाग र सशस्त्र प्रहरीको टोलीले बरामद गरेको थियो ।
सुनसहितको एक सय ५५ किलो ‘ब्रेक सु’ बरामद गरेको थियो । त्यसपछि उक्त सुनसहितको ‘ब्रेक सु’ टक्सार महाशाखामा राखिएको थियो । त्यसबेला ब्रेक शु सहितको तौल लिइएको थियो ।
सीआईबीले संगठित अपराध र राजस्व छलीको कसुरमा यो प्रकरणको अनुसन्धान गरिरहेको छ ।
तस्बीरहरु :
प्रतिक्रिया