चैत महिमा

वसन्तका पालुवासँगै
खुसीहरूलाई लहरित पार्ने
पुष्प सुन्दरी जस्तै
सुन्दर मेरो चैत मास

कोयलको कुहुकुहु
हरियाली पालुवा
लालिगुराँस
चराहरूको चिरविर
लहरीने हुरी
कति सुन्दर चैत मास
वाह ! कति चञ्चल प्रकृति

हुरी चल्ने दिन
मन बहकिने योवन
प्रकृतिको साथ
र, तिम्रो काख
बजाइ दिउ लाग्छ
पिरतीको बासुरी
सजाइ दिउ लाग्छ
प्रेम माधुरी
आहा ! कति राम्री चैत सुन्दरी

प्रकृतिको काखमा
मन्द मुस्कान साथमा
नौरंगी डाँफे मुनाल
नाच्छन् आफ्नै मादमा
आउ पवन सुस्तरी छोएर जाउ
जोडिएका हाम्रा प्रेमिल काँधमा
यसैगरी आइरहौं वसन्त हाम्रो माझमा
लहरी रहुँ झैँ लाग्छ चैत सुन्दरीको साथमा