गठ्ठाघरमा ट्रकले स्कुटरलाई ठक्कर दिँदा महिलाको मृत्यु

काठमाडाैं । भक्तपुरको मध्यपुरठिमी नगरपालिका–३ स्थित गठ्ठाघरमा ट्रकको ठक्करबाट महिलाको मृत्यु भएकाे छ ।

आज बिहीबार दिउँसो १ः४० बजेतिर ना ६ ख २१७३ नम्बरको ट्रकले बा ४९ प ८९४४ नम्बरको स्कुटरलाई ठक्कर दिँदा स्कुटर चालक महिलाको घटनास्थलमै मृत्यु भएको हाे ।

स्कुटर चालक महिलाको पहिचान खुलेको छैन । ट्रक चालक फरार रहेको प्रहरीले जनाएको छ ।

उक्त दुर्घटनापछि स्थानीयले प्रहरीमाथि ढुंगामुढा गरेका थिए ।

घटनास्थलमा परिसरबाट प्रहरी उपरीक्षकको कमाण्डमा ८० जनाको टोली खटिएको थियो । त्यस्तै काठमाडौंबाट समेत ११५ जनाको थप टोली खटिएको हो ।

प्रहरीले घटनाबारे थप अनुसन्धान अघि बढाएको छ ।