Logo

अर्थ

आजदेखि नयाँ ब्याजदर लागु, कुन बैंकमा कति पाइन्छ ब्याज?



काठमाडौं । आजदेखि वाणिज्य बैंकहरुमा नयाँ ब्याजदर लागु भएको छ । चैतका लागि अधिकांश बैंकहरुले फागुन महिनाकै ब्याजदरलाई निरन्तरता दिएका छन् ।

चैतमा कुमारी बैंकले मात्रै ब्याजदर बढाएको छ । चैतमा ५.०१ प्रतिशत ब्याज दिने भएको छ ।

हिमालयन र सिटिजन्स बैंकले भने ब्याजदर घटाएका छन् । चैतमा हिमालयनले व्यक्तिगत मुद्दति निक्षेप तर्फ ५.५ प्रतिशत र संस्थागत तर्फ ४ प्रतिशत ब्याजदर तोकेको छ । सिटिजन्स बैंकले पनि व्यक्तिगत तर्फ ५.६५ प्रतिशत र संस्थागत ४ प्रतिशत तोकेको छ ।

यस्तै, एनएमबि र एनआइसी एशिया बैंकले पनि चैतमा व्यक्तिगत तर्फ ६.६ प्रतिशत र संस्थागत तर्फ ५.६ प्रतिशत ब्याज दिने भएका छन् ।

प्राइम कमर्सियल बैंकले पनि व्यक्तिगत तर्फ ६.२५ प्रतिशत र संस्थागत तर्फ ४ प्रतिशत, प्रभुले व्यक्तिगत तर्फ ६.१ प्रतिशत र संस्थागत तर्फ ५.१ प्रतिशत, सानिमाले व्यक्तिगततर्फ ६.०५ प्रतिशत र संस्थागत तर्फ ४.३ प्रतिशत ब्याजदर तोकेका छन् ।

ग्लोलब आइएमइ, माछापुच्छ्रे, सिद्धार्थ, एभरेष्ट र राष्ट्रिय वाणिज्य बैंकले चैत महिनामा व्यक्तिगत मुद्दति तर्फ भने ६–६ प्रतिशत ब्याजदर तोकेका छन् ।

त्यसैगरि कृषि विकास बैंकले व्यक्तिगत तर्फ ५.५१ प्रतिशत र संस्थागत तर्फ ३.२५ प्रतिशत ब्याजदर तोकेको छ ।

नेपाल एसबिआई र नेपाल बैंकले व्यक्तिगत मुद्दतिमा ५.५ प्रतिशत दिने भएका छन् । तर, संस्थागत तर्फ भने क्रमशः ४.५ प्रतिशत र ४.१५ प्रतिशत ब्याज दिने भएका छन् । यी बैंकहरुले फागुन महिनामा पनि सोही ब्याजदर कायम गरेका थिए ।

 

प्रकाशित मिति : १ चैत्र २०८१, शुक्रबार १४:१७   :  बजे

138
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।