काठमाडाैं । लामो समयदेखि काठमाडौं महानगरपालिकाभित्र कबाड संकलनमा अवरोध भइरहेको भन्दै काठमाडौंका प्रमुख जिल्ला अधिकारी ऋषिराम तिवारीलाई ज्ञापनपत्र बुझाइएको छ ।
बिहीबार कबाड व्यवसायी संघर्ष समितिको तर्फबाट कबाड व्यवसायी समाजले सीडीओ तिवारीलाई ज्ञापनपत्र बुझाएको हो ।
समाजले काठमाडौं महानगरपालिकाले काठमाडौं महानगर क्षेत्रभित्र साइकलमा कबाड संकलन गर्दै आएका कबाड संकलकहरूको साइकल र समान जफत गर्ने गरेको भन्दै त्यसलाई तत्काल रोक्न सीडीओसँग माग गरेको छ ।
साइकलमा कबाड संकलन गर्दै आएका संकलकलाई भइरहेको गालीगलौज कुटपिट र अभद्र व्यवहार बन्द गर्नुपर्ने माग छ । हालसम्म कबाड संकलकका एक हजार थान साइकल काठमाडौं महानगर प्रहरीले जफत गरेको भन्दै समाजले उक्त साइकल र जफत गरेको समान फिर्ता गुर्नपर्ने बताएको छ ।
महानगर प्रहरीका कारण कबाड संकलकहरूले आफ्नो रोजगारी गुमाउनु परेको समाजले बताएको छ ।
प्रतिक्रिया