Logo

राजनीति

संसद बैठक बहिस्कार गरेको दिनको भत्ता नलिने राप्रपाकाे निर्णय



काठमाडाैं । राष्ट्रिय प्रजातन्त्र पार्टी (राप्रपा)ले  १ दिनको संसद बैठक भत्ता नलिने निर्णय गरेको छ ।

सोमबार संघीय संसद सचिवालयलाई पत्र लेख्दै राप्रपा संसदीय दलले आइतबार असार १ गतेको प्रतिनिधिसभा बैठक बहिष्कार गरेको र उक्त दिनको बैठक भत्ता फिर्ता गर्ने व्यवस्था मिलाउन अनुरोध गरेको हो ।

राप्रपा संसदीय दलका प्रमुख सचेतक ज्ञानबहादुर शाहीद्वारा हस्ताक्षरित पत्रमा भनिएको छ, ‘हाम्रो पार्टीले उठाएका मागहरू निश्चित प्रकरणमा संसदमा अवरोध भएको समयमा पनि जबर्जस्त बैठक सञ्चालन गर्नु अनुचित हुने ठहर गर्दै यो बैठक बहिष्कार गर्ने निर्णय गरिएकाले सो बैठक बापत प्राप्त हुने बैठक भत्ता राजस्वमा फिर्ता हुने व्यवस्था गरि सहयोग गरिदिनुहुन अनुरोध छ।’

राप्रपाले उक्त दिनको बैठक नैतिक र सैद्धान्तिक रूपमा उचित नहुने ठहर गर्दै भत्ता नलिने निर्णय गरेको जनाएको छ ।

प्रकाशित मिति : २ असार २०८२, सोमबार ११:५२   :  बजे

30
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।