रौतहटमा शङ्कास्पद सुटकेसमा महिलाको शव

रौतहटमा शनिबार राति फेला परेको शङ्कास्पद सुटकेसभित्र महिलाको शव भेटिएको छ ।

रौतहटको गौर–सिरसिया सडकखण्ड अन्तर्गत मुडवलबा मोड नजिक शनिबार राति शङ्कास्पद सुटकेस फेला परेको थियो ।

प्रहरीका अनुसार डोरीले बाँधिएको अवस्थामा फेला परेको शङ्कास्पद खोलेपछि त्यसभित्र महिलाको शव रहेको पाइएको हो ।

उक्त शव कसको हो भन्ने बारेमा केही खुलेको छैन । जिल्ला प्रहरी कार्यालय रौतहटले घटनाबारे अनुसन्धान गरिरहेको छ ।